अञ्जान शाक्यले लिइन राष्ट्रिय सभा सदस्यको शपथ

१६ बैशाख, काठमाडौं । राष्ट्रिय सभा सदस्य डा. अञ्जान शाक्यले शपथ ग्रहण गरेकी छन् । राष्ट्रिय सभाका अध्यक्ष नारायणप्रसाद दाहालले आइतवार सिंहदरबारमा एक समारोहकाबीच उनलाई पद तथा गोपनियताको शपथ ग्रहण गराएका हुन् । 

शाक्यलाई मन्त्रिपरिषद्को सिफारिसमा राष्ट्रपति रामचन्द्र पौडेलले यही वैशाख ६ गते राष्ट्रिय सभाको सदस्य पदमा मनोनित गरेका थिए । त्यसलगत्तै सांसद शाक्यलाई सांसदको लोगो हस्तातरण गर्दै राष्ट्रिय सभाका अध्यक्ष दाहालले बधाई दिएका थिए ।