बझाङमा एमालेका भण्डारी लाई ६७७ मतको अग्रता (अपडेट)

१६ वैशाख, बझाङ । बझाङ क्षेत्र १ अन्तरगत प्रदेशसभा १ मा भएको उपनिर्वाचनको जारी मतगणनामा नेकपा एमालेका उम्मेदवारको अग्रता कायमै छ ।
 
एमाले उम्मेदवार दमनबहादुर भण्डारीले ३४९७ मतसहित अग्रता लिइरहेका छन् । उनलाई नेपाली कांग्रेसका अभिषेक बहादुर सिंहले २ हजार ८२० मत ल्याउँदै पछ्याइरहेका छन् । 
तेस्रो स्थानमा नेकपा माओवादी केन्द्रका जनकबहादुर बुढाले १ हजार ८८१ मत ल्याएका छन् । नेकपा एकीकृत समाजवादीका दिलबहादुर सिंहले १ हजार ५० मत ल्याएका छन् ।