घट्यो डिजेल र मट्टीतेलको मूल्य, हवाई इन्धनको बढ्यो

१८ वैशाख, काठमाडौं ।  पेट्रोलियम पदार्थको मूल्य घटेको छ । भारतबाट मूल्य घटेर आएपछि निगमले डिजेल र मट्टितेलको मूल्य घटाउने निर्णय गरेको नेपाल आयल निगमले जनाएको छ ।

जस अनुसार डिजेल र मट्टितेलमा प्रति लिटर २ रुपैयाँको दरले मूल्य घटेको छ ।  

यसैगरी हवाई इन्धन आन्तरिक तर्फ प्रति लिटर १ रुपैयाँ र बाह्य तर्फ ७ डलर वृद्धि गरिएको निगमले जनाएको छ । नयाँ मूल्य सूची बुधबार बिहान १ बजेदेखि लागू हुने निगमले जनाएको छ । निगमका अनुसार पेट्रोल र एल. पि. ग्यासको बिक्री मूल्य यावत रहेको छ ।