इलाममा मारुती भ्यान दुर्घटना : १ जनाको मृत्यु, एक गम्भीर घाइते

 १९ वैशाख, इलाम । इलाममा आज बिहान सवारी दुर्घटना हुँदा एक जनाको मृत्यु भएको छ । दुर्घटनामा परी मारुती 'भ्यान'का चालक देउमाई नगरपालिका–६ का २५ वर्षीय दीपेश राईको मृत्यु भएको जिल्ला प्रहरी कार्यालय इलामका प्रहरी नायब उपरीक्षक प्रकाश जवेगूले बताए । 

भ्यानमा सवार इलाम नगरपालिका–५ निवासी २६ वर्षका विश्वास राई गम्भीर घाइते भएका छन् । उनलाई उपचारका लागि झापा पठाइएको प्रहरी नायब उपरीक्षक जवेगूले जानकारी दिए ।

झापाबाट इलाम आउँदै गरेको मे १ ज ३२६३ नम्बरको भ्यान मेची राजमार्ग अन्तर्गत रोङ गाउँपालिका–४ बाइखोरमा दुर्घटना भएको हो । भ्यान राजमार्गबाट करिब पाँच सय मिटर तल खसेको प्रहरीले जनाएको छ ।