सशस्त्र प्रहरी बलका १६ डीआईजी र १८ एसएसपीको सरुवा, मधेश प्रदेशमा धौबजी र कोशीमा सुवेदी

१९ चैत, काठमाडौं । गृह मन्त्रालयले सशस्त्र प्रहरी बलका १६ जना नायव महानिरीक्षक (डीआईजी) तथा र १८ एसएसपीहरुको सरुवा गरेको छ । एक वर्ष भन्दा बढी समय पूरा भइसकेका डीआईजी तथा एसएसपीहरूको नियमित सरुवा भएको मन्त्रालयले जनाएको छ । मन्त्रीस्तरीय निर्णयबाट १६ डीआईजीहरूको सरुवा गरिएको हो । 

एक वर्ष भन्दा बढी समय प्रदेश डीआईजी अर्थात् बाहिनी प्रमुख रहिसकेका पूर्वको कोशी प्रदेश स्थित बराहा बाहिनी मुख्यालय सुनसरीमा शम्भु सुवेदीको सरुवा गरिएको छ । अर्को महत्वपूर्ण बाहिनीकाे रुपमा रहेको मधेश प्रदेश स्थित छिन्नमस्ता बाहिनी मुख्यालय महोत्तरीमा कालीदास धौबजी तथा सुर्खेत स्थित महेश्वरी बाहिनीमा दुर्गाप्रसाद भट्टराई र हालै बढुवा भएका डीआईजी दीपक अधिकारीको सुदूरपश्चिम स्थित बैद्यनाथ बाहिनी मुख्यालय कैलालीमा सरुवा गरिएको छ ।

सरुवा सूची अनुसार यसअघि नै काज सरुवा भइसकेका गणेशबहादुर ठाडा मगरको सीमा सुरक्षा विभागबाट नं. ३ गढीमाई बाहिनी मुख्यालय मकवानपुरमा दरबन्दी कायम भएको छ । त्यस्तै कार्य विभागमा दरबन्दी रही काजमा सशस्त्र प्रहरी बल प्रशिक्षण प्रतिष्ठानकाे प्रमुख रहेका डीआईजी कमल गिरी त्यही दरबन्दी कायम भएकाे छ ।

कमलबहादुर नेम्बाङको मानव स्रोत विभागबाट नं. ४ मुक्तिनाथ बाहिनी पाेखरामा सरुवा गरिएको छ । सशस्त्र प्रहरी प्रशिक्षण प्रतिष्ठानमा कार्यरत रही काजमा नं. ५ बिन्ध्यावासिनी बाहिनी कपिलवस्तु रहेका  ।अभिकुमार खत्रीकाे त्यही दरबन्दी कायम गरिएकाे छ ।  

को कहाँ भए सरुवा यस्तो छ सूची

एसएसपीहरु को कहाँ भए सरुवा यस्तो छ सूची