वेस्ट इन्डिज 'ए' विरुद्ध आज सिरिजको चौथो खेल खेल्दै नेपाल

२० वैशाख, काठमाडौं । बिहीबार नेपालले वेस्ट इन्डिज ‘ए’ सँग टी–२० सिरिजको चौथो खेल खेल्दैछ। पाँच खेलको सिरिजका तीन खेल सकिँदा २/१ ले पछाडि परेको नेपालमाथि आजको खेल जित्नै पर्ने दबाब छ।

यो खेल कीर्तिपुरस्थित त्रिवि अन्तर्राष्ट्रिय क्रिकेट मैदानमा दिउँसो १ बजे सुरु हुनेछ। शनिबार भएको पहिलो खेलमा चार विकेटको शानदार जित निकालेको थियो । यस्तै नेपाल दोस्रो खेलमा आइतबार १० रनले पराजित भएको थियो भने बुधबार भएको तेस्रो खेलमा ७६ रनले पराजित भएको थियो । सिरिजको अन्तिम खेल शनिबार हुँदैछ ।