प्रधानमन्त्रीले चार बजे बोलाए मन्त्रिपरिषद बैठक, बजेट अधिवेशनबारे निर्णय हुने

२० वैशाख, काठमाडौं ।  प्रधानमन्त्री पुष्पकमल दाहाल प्रचण्डले बिहीबार अपरान्ह ४ बजे बस्ने गरी मन्त्रिपरिषद बैठक बोलाएका छन् । प्रधानमन्त्री तथा मन्त्रिपरिषद्को कार्यालय सिंहदरबारमा अपरान्ह चार बजे प्रधानमन्त्रीले मन्त्रिपरिषद्को नियमित बैठक बोलाएका हुन् । 
 
बैठकमा सरकारका नियमित कामकारबाहीबारे छलफल हुनेछ । आजको बैठकले बजेट अधिवेशन बोलाउने निर्णय गरेर राष्ट्रपतिलाई सिफारिस गर्ने सम्भावना रहेको छ । जेठ १५ गते बजेट पेस गर्नुपर्ने भएकाले सरकार बजेट अधिवेशनको तयारीमा लागेको हो ।
 
सरकारले वैशाख अन्तिम साता बैठक बोलाउने जानकारी दिएपछि प्रतिनिधिसभाका सभामुख देवराज घिमिरेले पनि तयारी थालेका छन् । उनले संसदीय समितिका सभापति र सदस्यहरूसँग छलफल गरेका छन् । संसदीय क्यालेन्डर परिवर्तन गर्ने विषयमा छलफल चलिरहेको छ ।