बिहीबारको मन्त्रिपरिषदले गर्यो ६ जना सचिवको सरुवा

२१ वैशाख, काठमाडौं । बिहीबार बसेको मन्त्रिपरिषदको बैठकले ६ जना सचिवको सरुवा भएको छ । उनीहरुलाई विभिन्न मन्त्रालयमा सरुवा गरिएको छ । मन्त्रिपरिषद् बैठकले ६ जना सचिव सरुवा गर्ने निर्णय भएको सञ्चार तथा सूचना प्रविधि मन्त्री तथा सरकारका प्रवक्ता रेखा शर्माले जानकारी  दिइन् ।
 
सरुवाका क्रमम कृषि सचिव गोविन्दप्रसाद शर्मालाई वन मन्त्रालयमा पुगेका छन् । पशुपन्छीका रेवतीरमण पौडेललाई कृषि विकास सचिवको जिम्मा दिइएको छ ।

सचिव दीपक काफ्लेलाई शिक्षा, विज्ञान तथा प्रविधि मन्त्रालयमा लगिएको छ भने संस्कृति पर्यटन तथा नागरिक उड्डयन मन्त्रालयको सचिवमा प्रधानमन्त्री तथा मन्त्रिपरिषद्को कार्यालयका सचिव गणेश पाण्डेलाई लगिएको छ ।

लुम्बिनी प्रदेश प्रमुख सचिव राधिका अर्याललाई उपराष्ट्रपतिको कार्यालयमा ल्याइएको छ । वन तथा वातावरण मन्त्रालयका सचिव दीपक खराललाई कृषि तथा पशुपन्छी विकास मन्त्रालयको पशुपन्छी विकास सचिवका रुपमा सरुवा गरिएको छ ।