नेपाललाई हिन्दू गणराज्य घोषणा गर्न माग

२२ वैशाख, काठमाडौं । राष्ट्रिय एकता अभियान कास्कीमा संगठन विस्तार गरेको छ । सङ्घीय हिन्दु गणतन्त्र नेपालको स्थापनाको लागि सक्रिय अभियानले कास्की जिल्लामा १५ सदस्यीय कार्यकारिणी समिति गठन गरेको हो ।

समितिको अध्यक्षमा सुनिल मर्सिनि चयन भएका छन् भने उपाध्यक्षमा टिका कुमारी छिरिङ र सचिवमा अनुपमणि अधिकारी चयन भएका छन् । अभियानका केन्द्रीय अध्यक्ष विनय यादवको उपस्थितिमा कास्की जिल्ला कमिटी गठन गरिएको थियो ।

कार्यक्रममा बोल्दै अध्यक्ष यादवले हिन्दु धर्म नै राष्ट्रिय एकताको मूल मन्त्र भएको उल्लेख गरे । राष्ट्र र राष्ट्रियता जोगाउन नेपाललाई हिन्दु गणराज्य घोषणा गर्नु पर्ने कुरामा जोड दिए । नेपाललाई धर्म निरपेक्ष देश घोषणा गर्दा राष्ट्रिय एकता कमजोर भएको समेत उनले बताए ।

पोखरा अन्तराष्ट्रिय विमानस्थलमा अन्तराष्ट्रिय व्यवसायीक विमान यथाशक्य संचालनको व्यवस्था गर्नु पर्ने माग समेत राख्नु भयो, पोखरा विमानस्थललाई चीनले BRI संग जोडेर अन्तराष्ट्रिय रुपमा भ्रम फैलाएको हुनाले त्यसको तत्काल खण्डन र चीनलाई कूटनीतिक नोट नेपाल सरकारले माग नगरूनजेल अन्तराष्ट्रिय समुदाय एयरपोर्ट प्रतिको संदेह नहट्ने बताए।

एयरपोर्टमा भएको भ्रष्टाचारीहरुलाई कारवाहीको दायरामा नल्याएसम्म आफुहरुको आन्दोलन जारी रहने बताए।कार्यक्रममा पूर्व राज्य मन्त्री तथा नेपाली काँग्रेसका नेता महादेव गुरुङ  लगायत विशिष्ट व्यक्तिको उपस्थिति रहेको थियो ।