पञ्जावमाथि चेन्नई २८ रनले विजयी

२३ वैशाख, काठमाडौं । इण्डियन प्रिमियर लिग (आइपिएल) अन्तर्गत चेन्नेई सुपर किंग्सले पञ्जाव किंग्सलाई पराजित गरेको छ ।

आइतबार सम्पन्न खेलमा चेन्नेइले पञ्जालाई २८ रनले पराजित गरेको हो ।

चेन्नेइले दिएको १६८ रनको लक्ष्य पछाएको पञ्जावले २० ओभरमा ९ विकेट गुमाउँदै १३९ रन बनाएको थियो । यस अघि पहिला ब्याटिङ गर्दै चेन्नेइले २० ओभरमा ९ विकेट गुमाउँदै १६७ रन बनाएको थियो ।

यो जितपछि चेन्नेई अंक तालिकामा तेस्रो स्थानमा उक्लिएको छ । चेन्नेईका ११ खेलमा १२ अंक भएको छ । त्यस्तै पञ्जावको भने यो सातौं हार हो । ११ खेलमा ८ अंक रहेको पञ्जाव अंक तालिकामा आठौं स्थानमा रहेको छ ।