दुई महिना कै बीचमा इलाम र सिराहाका प्रहरी प्रमुख फेरिए

२४ वैशाख, काठमाडौं । सरुवा भएको दुई महिना कै बीचमा प्रहरी प्रधान कार्यालयले इलाम र  सिरहाका प्रहरी प्रमुखको सरुवा गरेको छ । जिल्ला प्रहरी कार्यालय इलामका प्रमुख रहेका एसपी वासुदेव खतिवडालाई प्रहरी मुख्यालय बोलाइएको छ भने उनको स्थानमा प्रभु ढकालको काज सरुवा गरिएको छ ।

यस्तै, सिरहामा पनि ३ महिनाअघि सरुवा भएका एसपी सन्तोष आचार्यको स्थानमा एसपी रमेश पण्डितको काज सरुवा गरिएको छ । आचार्यलाई प्रहरी मुख्यालय फिर्ता बोलाइएको हो । यसअघि प्रहरी मुख्यालयले सिन्धुलीको एसपीमा गोविन्दराज काफ्लेको काज सरुवा गरेको थियो ।

प्रहरी स्रोतका अनुसार इलामका प्रहरी प्रमुख एसपी खतिवडालाई तरुनी काण्डको वात लागेपछि हटाइएको हो भने आचार्यलाई तस्करी गराएर रकम असुलेको आरोप लागेको छ ।