सार्वजनिक बसमा प्रहरीको चेकजाँच, गाजाँसहित २ जना पक्राउ

२४ वैशाख, काठमाडौं । पर्सा प्रहरीले १० केजी लागु औषध गाजाँसहित २ जनालाई पक्राउ गरेको छ । वीरगञ्ज महानगरपालिका वडा नं-२१ हनुमानचोक स्थित सडकखण्डमा यस कार्यालय मातहत प्रहरी चौकी परवानिपुरबाट खटिएको चेकिङ टोलीले सवारी साधन चेकजाँच गर्ने क्रममा २ जना महिलालाई पक्राउ गरेको हाे ।

नारायणगढ चितवनबाट वीरगञ्ज तर्फ आउँदै गरेको ना ४ ख ५९३७ नम्बरको सार्वजनिक बसमा चेकजाँच गर्दा बसको पछाडीको सिटमा बसेका महिलाहरूको छेउमा राखिएको पिठ्युमा बोक्ने कालो रंङको २ वटा झोला भित्र हरियो प्लाष्टिकले बेरी लुकाई छिपाई राखिएको प्रहरीले जनाएको छ ।

प्रहरीले लागु औषध गाँजासहित मकवानपुर राक्सिरांङ गा।पा। वडा नं। २ बस्ने ईन्द्र कुमारी चेपाङ्ग र फुलमाया स्याङ्बोलाई नियन्त्रणमा लिएको छ । पक्राउ परेका विरुद्ध लागु औषध सम्बन्धी कसूरमा थप अनुसन्धान कार्य भइरहेको जनाएकाे छ ।