बुटवलमा अनलाइन सट्टेबाजी खेलाउने १३ भारतीय नागरिक पक्राउ

२४ वैशाख, रुपन्देही । बुटवलमा अनलाइन गेम खेलाएर सट्टेबाजी गर्ने १३ जना भारतीय नागरिक पक्राउ परेका छन् । 

बुटवल उपमहनगरपालिका–९ को कालिका नगरमा घर भाडामा लिएर अवैध गतिविधि गरेको भन्ने सूचनाको आधारमा प्रहरीले छापा मार्दा अनलाइन गेम खेलाउने र सट्टेबाजी गराउनेहरू पक्राउ परेका हुन् । 

प्रहरीले १३ जना भारतीय नागरिक र उनीहरूले प्रयोग गर्ने मोबाइललगायतका सामान नियन्त्रणमा लिएको इलाका प्रहरी कार्यालय बुटवलका प्रमुख विजयराज पण्डितले जानकारी दिए । उनीहरूको बारेमा अनुसन्धान भइरहेको उनले बताए ।