राई नेतृत्वको जसपाले यही समीकरणलाई सघाउने

२५ वैशाख, काठमाडौं । नयाँ जसपाले अहिलेको सत्ता समीकरणलाई सघाउने निर्णय गरेको छ । अध्यक्ष अशोक राईको अध्यक्षतामा बसेको संसदीय दल बैठकले अहिलेकै सरकारलाई निरन्तरता दिने निर्णय गरेको हो ।

उपेन्द्र यादव नेतृत्वको जनता समाजवादी पार्टी नेपालबाट छुट्टिएर गठन भएको जनता समाजवादीलाई निर्वाचन आयोगले सोमबार मान्यता दिएको थियो । आयोगले नयाँ दलको मान्यता दिएलगत्तै उक्त पार्टीले संघीय संसद सचिवालयमा दल दर्ताको जानकारी दिएको थियो ।

संसदीय दलको बैठकको निर्णयअनुसार प्रचण्ड नेतृत्वको वर्तमान सरकारलाई समर्थन निरन्तर जारी राख्ने निर्णय भएको छ,’ जसपाको विज्ञप्तिमा उल्लेख छ । प्रतिनिधि सभामा नवगठित जसपाका ७ जना सांसद हुनेछन् ।