संसदीय समिति गठन नगरे बजेट अधिवेशन अवरुद्ध गर्ने कांग्रेसको अडान

२६ वैशाख, काठमाडौं । नेपाली कांग्रेसले सहकारी ठगीको छानबिन गर्न संसदीय समिति गठन नभए संसदको बजेट अधिवेशन अवरुद्ध गर्ने अडान लिएको छ । पार्टी सभापति शेरबहादुर देउवा निवास बूढानीलकण्ठमा बुधबार बसेको पदाधिकारी तथा पूर्वपदाधिकारी बैठकले समिति बनाउने अडान कायमै राख्ने निर्णय गरेको हो । 

 उपप्रधान तथा गृहमन्त्री रवि लामिछानेले सदनमा बोल्न पाउँ भन्दै सभामुखलाई बुझाएको पत्रबारे प्रमुख सचेतकले जानकारी गराएका उपसभापति धनराज गुरुङले जानकारी दिए ।
रविको माग नोटिसमा लिइएको र बोल्न दिने या नदिने भन्ने विषय बिहीबार बस्ने संसदीय दलको बैठकले तय गर्ने पार्टी गुरुङले बताए ।

अबको संसद्‍मा हाम्रो माग हुबहु कायम छ । सरकार जिम्मेवार भएर र आउँछ कि आउँदैन ? संसदीय छानबिन समिति बनाउँछ कि बनाउँदैन ? गैरजिम्मेदार भएर आयो, संसदीय छानबिन समिति गठनमा सहमत भएन भने अबको संसद् चल्दैन’, उनले भने । सहकारी प्रकरणमा मुछिएका लामिछानेमाथि संसदीय छानबिन समितिको माग गर्दै कांग्रेसले अघिल्लो संघीय संसद अधिवेशनमा अवरोध गरेको थियो ।