मोरङ प्रहरीले पक्राउ गर्यो ठूलो परिणाममा लागूऔषध गाँजा

२७ वैशाख, विराटनगर । मोरङ प्रहरीले आज ठूलो मात्रामा लागूऔषध गाँजा पक्राउ गरेको छ । मोरङको जहदा गाउँपालिका ३ हाथिबन्दाबाट २१८ किलो १७५ ग्राम लागूऔषध गाँजासहित प्रहरीले एक जनालाई पक्राउ गरेको हो ।

ठूलो मात्रामा लागूऔषध गाँजाको ओसारपसार एव. कारोबार भइरहेको छ भन्ने विशेष सूचनाको आधारमा वैशाख २७ गते राती १ बजे जिल्ला प्रहरी कार्यालय मोरङबाट खटिएको प्रहरी टोलीले स्थानीय भगवान किस्कुलाई रंगेहात पक्राउ गरेको हो ।

गाँजासहित पक्राउ परेका व्यक्ति र कारोबारका बारेमा प्रहरीले थप अनुसन्धान गर्दै रहेको मोरङ प्रहरीले जनाएको छ ।