सुष्मा विसी र प्रमोद भुसालको रोइला भजन सार्वजनिक

२९ वैशाख, काठमाडौं । चर्चित गायिका सुष्मा विसी यस पटक रोइला भजन ‘गठबन्धन’ लिएर नेपाली सांगीतिक बजारमा आएकी छिन् । गायीका सुष्मालाई यस पटक रोइला भजन ‘गठबन्धन’ मा गायक प्रमोद भुसालले स्वरमा साथ दिएका छन् । सांगीतिक क्षेत्रमा चर्चा कमाउन थालेका प्रमोद यसपटक सुष्मासँंग रोइला गठबन्धनबाट आफूलाई नेपाली सांगीतिक क्षेत्रमा स्थापित गर्न खोजेका छन् ।

यसअघि झल्को, पालि खरैको जस्ता चर्चित गीत नेपाली बजारम ल्याएकी सुष्माले यसपटक आफूले ल्याएको यो रोइला भजन पनि नेपाली दर्शक स्रोताले मन पराउने बिश्वास व्यक्त गरेकी छिन् । आफ्नो सांगीतिक यात्रामा साथ र प्रेरणा दिने सम्पूर्ण अग्रजलाई गायीका सुष्माले धन्यबाद समेत दिएकी ।

गीत ‘द न्यू ईरा’ रेकर्डिङ्ग स्टुडियोमा रेकर्डिङ गरिएको छ । सो गीतको म्युजिक भिडियोमा नारायणी खत्री, संचिता बोलाखे, राजाराम सिंखडा, ओमराज थापा र बलराम भुसालले अभिनय गरेका छन् । राजेश घिमिरेले छाँयाङ्कन गरेको म्युजिक भिडियोको एरेन्ज कृष्ण बाजुरालीले गरेका हुन् । रोइला भजन ‘गठबन्धन’ प्रमोद भुसालको अफिसियल यूटुव च्यालनबाट सार्वजनिक गरिएको छ ।

यसअघि गायिका विसीले वसन्त थापा र आफ्नो स्वर सजिएको पारिवारिक जीवनलाई समेटेर तयार पारिएको लोकदोहोरी गीत “पालि खरैको” सार्वजनिक गरिसकेकी छिन् । गायिका विसीले स्वर दिएका सबैजसो गीत कर्णप्रीय भएर दर्शक÷स्रोतको रोजाइमा पर्ने गरेका छन् । सार्वजनिक हुन लागेको रोइला भजन ‘गठबन्धन’ले पनि गीत÷संगीत पारखीको छनोटमा पर्ने विश्वास गायिका सुष्माले लिएकी छिन् ।