रातु नदी उत्खनन् विरुद्धको अन्तरिम आदेश बदर गर्न माग गर्दै सर्वोच्चमा रिट

२९ वैशाख, महोत्तरी । रातु नदी उत्खनन् विरुद्ध सर्वोच्च अदालतले गरेको अन्तरिम आदेशलाई  बर्दिबास नगरपालिकाले बदरको माग गरेको छ । जेठ मसान्तसम्म समयावधि भएको हुनाले रोकिएको उत्खनन् तत्काल सुचारु गर्नुपर्ने मागसहित नगरपालिकाले शुक्रबार रिट दर्ता गरेको हो ।

नगरपालिकाका कर्मचारी दीपक पौडेलसहितले अख्तियारी प्राप्त गरी दायर गरेको निवेदनमा शंकर महतोसहित निवेदकहरूलाई विपक्षी वनाइएको छ ।

यसअघि मापदण्डको अनुसरण नगरी उत्खनन् गरिएको र जनताको तटबन्धलाई समेत असर पुग्ने अवस्था देखिएको हुनाले अन्तरिम आदेश जारी गर्नुपरेको प्रारम्भिक सुनुवाइ भएको थियो ।

सर्वोच्च अदालतले पटकपटक पूर्ण सुनुवाइको मिति निर्धारण गरेवापत वहस नभएको र एकतर्फी निवेदकहरूको आधारमा असोज-६ गते अर्को पेशी तोकिएको प्रति असन्तुष्टि जनाउँदै विभिन्न आधारहरू उल्लेख गर्दै अन्तरिम आदेश खारेजीको भागीदार भएको रिटमा दावी गरिएको छ ।

रिटको पेशी भने आईतवारलाई नै तोकिएको छ ।