दाङमा भान्सामै पसेर दुई महिलाको बञ्चरो प्रहार गरी हत्या

२७ वैशाख, दाङ । दाङमा अटो चालकले बन्चरो प्रहार गरी दुई महिलाको हत्या गरेको छ । घोराही उपमहानगरपालिका–१० नारायणपुरकी ५० वर्षीया जुपली बुढा र ४४ वर्षीया संगीता सुनारको बन्चरो प्रहार गरी हत्या गरिएको दाङ प्रहरी प्रमुख एसपी रामबहादुर केसीले जानकारी दिए । 

 आज अपरान्ह जुपलीको भान्सा कोठामा अटो चालक टेकबहादुर घर्तीले बन्चरोले हानेर उनीहरुको हत्या गरेका हुन् । घर्ती घोराही– १७ का हुन् ।  प्रहरीले टेक बहादुरलाई नियन्त्रणमा लिएर घटना सम्बन्धमा थप अनुसन्धान अघि बढाएको छ ।