कोलकोता आइपिएलको प्लेअफमा

३० वैशाख, काठमाडौं । कोलकाता नाइट राइडर्स इण्डियन प्रिमियर लिग (आइपिएल) को प्लेअफमा छनौट भएको छ । गएराति सम्पन्न खेलमा कोलकाताले मुम्बई इण्डियन्सलाई पराजित गरेसँगै प्लेअफमा आफ्नो स्थान पक्का गरेको हो । कोलकाताले मुम्बईलाई १८ रनले पराजित गरेको थियो ।

वर्षाले प्रभावित भएपछि १६-१६ ओभर खेलाइएको खेलमा कोलकाताले दिएको १५८ रनको लक्ष्य पछाएको मुम्बईले १६ ओभरमा ८ विकेट गुमाउँदै १३९ रन बनाएको थियो ।

यसअघि टस हारेर पहिला ब्याटिङ गरेको कोलकाताले १६ ओभरमा ७ विकेट गुमाउँदै १५७ रन बनाएको थियो ।

यो जितपछि कोलकाताको १२ खेलमा १८ अंक भएको छ र प्लेअफमाया छनौट भएको छ ।

त्यसैगरी मुम्बई इण्डियन्सको भने यो नवौँ हार हो । १३ खेलमा ८ अंक रहेको मुम्बई नवौँ स्थानमा रहेको छ र मुम्बई प्लेअफको दौडबाट यसअघि नै बाहिरिएको छ ।