काठमाडौंको बत्तीसपुतलीमा २४ वर्षीय युवकको हत्या, ४ जना पक्राउ

३० वैशाख, काठमाडौं। काठमाडौंको बत्तीसपुतलीमा गएराति एक युवकको हत्या भएको छ।  मोरङ घर भई  बत्तीसपुतली बस्दै आएका २४ वर्षीय शम्भु धिमालको हत्या भएको हो ।

आक्रमणपछि गम्भीर घाइते भएका धिमाललाई तत्कालै केएमसी लगिए पनि पछि मृत्यु भएको काठमाडौं प्रहरी परिसर प्रमुख बसन्त रजौरेले जानकारी दिए।  सो घटना अनुसन्धानका लागि चार जनालाई पक्राउ गरिएको जानकारी पनि उनले दिए ।

उनका अनुसार घटना आपसी विवादको कारण हुन सक्छ ।   घटनाबारे थप अनुसन्धान भइरहेको उनले बताए ।