पौडेललाई १० दिन हिरासतमा राख्ने अनुमति लिएर अदालतमा मुद्दा दायर गर्दै अख्तियार

३० वैशाख, काठमाडौं । अख्तियार दुरुपयोग अनुसन्धान आयोगले गैरकानुनी सम्पत्ति आर्जनको मुद्दामा पक्राउ परेका विकल पौडेललाई थप १० दिन हिरासतमा राख्ने अनुमति लिएर सुरक्षण मुद्रण केन्द्रको उपकरण खरिदमा भएको भ्रष्टाचारको मुद्दा विशेष अदालतमा दायर गर्दैछ । यो मुद्दा आजै दर्ता हुनेछ । 

यसअघि अख्तियारले उनी विरुद्ध आफ्नो ओहोदा ढाँटेर सार्वजनिक पद लिएको आरोपमा भ्रष्टाचार मुद्दा दायर गरिसकेको छ । अमेरिकाको पीआर लिइसकेपछि नेपालको सुरक्षण मुद्रण केन्द्रको कार्यकारी निर्देशक बनेको आरोप उनीमाथि लगाइएको छ । आज सोमबार सुरक्षण मुद्रण केन्द्रमा उपकरण खरिद गर्दा भ्रष्टाचार भएको निष्कर्षसहित मुद्दा दायर गर्न लागिएको हो ।