राष्ट्रपति र प्रधानमन्त्रीबीच नीति तथा कार्यक्रम प्रस्तुत गर्ने विषयमा छलफल

३० वैशाख, काठमाडौं । राष्ट्रपति रामचन्द्र पौडेलसँग भेटेर प्रधानमन्त्री पुष्पकमल दाहाल प्रचण्डले सरकारका नीति तथा कार्यक्रम कसरी प्रस्तुत गर्ने भन्ने बारे छलफल गरेका छन् । आइतबार राष्ट्रपति पौडेललाई भेटेर प्रधानमन्त्रीले देशको समसामयिक राजनीतिक घटनाक्रमका विषयमा जानकारी दिँदै नीति तथा कार्यक्रम प्रस्तुत गर्दा संसद अवरोध नहुने जानकारी गराएका छन् । 

प्रधानमन्त्री प्रचण्डले जेठ १ गते संघीय संसदको संयुक्त बैठकमा सरकारका नीति तथा कार्यक्रम राष्ट्रपति पौडेलले प्रस्तुत गर्ने कार्यक्रमको सन्दर्भमा भेट गरेका हुन् छ । सरकार नीति तथा कार्यक्रम राष्ट्रपतिले प्रस्तुत गर्ने चलन छ । प्रमुख प्रतिपक्षी नेपाली कांग्रेसले सहकारी प्रकरणमा उपप्रधान तथा गृहमन्त्री रवि लामिछाने जोडिएको भन्दै संसदीय छानबिन समिति गठन नगरे सदन चल्न नदिने चेतावनी दिँदै आएको छ ।

प्रधानमन्त्रीले राष्ट्रपतिलाई नीति तथा कार्यक्रम प्रस्तुत गर्न दिने कांग्रेसले दिने भनेको बताए । कांग्रेसले हुन्छ भनेको छ अवरोध नहोला उनले भने । यसै विषयमा आइतबार बिहान प्रधानमन्त्री प्रचण्डले कांग्रेस सभापति शेरबहादुर देउवासहित नेताहरूसँग छलफल समेत गरेका छन् । प्रधानमन्त्रीले कांग्रेससँग छलफल गरेर संसदको गतिरोध खुलाउने विषयमा छलफल भइरहेको जानकारी गराएका थिए ।