म्यानचेस्टर युनाइटेडमाथि आर्सनल १-० ले विजयी

३१ वैशाख, काठमाडौं । इङलिश प्रिमियर लिग अन्तर्गत आर्सेनलले म्यानचेस्टर युनाइटेडलाई पराजित गर्दै उपाधि दौडमा आफूलाई कायमै राखेको छ । गएराति सम्पन्न खेलमा आर्सेनलले म्यानचेस्टर युनाइटेडलाई १-० गोल अन्तरले पराजित गरेको हो ।

आर्सेनलका लागि लीन्द्रो ट्रोसार्डले खेलको २० औं मिनेटमा गरेको गोल नै खेलको निर्णयक गोल बनेको थियो ।

यो जितपछि आर्सेनल लिगको शीर्ष स्थानमा उक्लिएको छ । ३७ खेलमा आर्सेनलको ८६ अंक रहेको छ । त्यस्तै एक खेल कम खेलेको म्यानचेस्टर सिटीको ३६ खेलमा ८५ अंक रहेको छ ।

अब आर्सेनलले आफ्नो अन्तिम लिग खेल मे १९ मा एभर्टनसँग खेल्ने छ । त्यस्तै म्यानचेस्टर सिटीले भने मे १५ मा टोटनहम र मे १९ मा वेस्टह्यामको सामना गर्ने छ ।

त्यसैगरी यो हारपछि म्यानचेस्टर युनाइटेडका भने ३६ खेलमा ५४ अंक रहेको छ र लिगमा आठौँ स्थानमा छ ।