जसपा नेपालको केन्द्रीय समिति बैठक बस्दै

३१ वैशाख, काठमाडौं । जनता समाजवादी पार्टी (जसपा) नेपालको केन्द्रीय समिति बैठक बस्दैछ । ललितपुर स्थित ज्यापू प्रज्ञा भवनमा बिहान ११ बजेका लागि बैठक बोलाइएको छ । 
बैठकले पार्टीको फुट, समसामयिक राजनीति, महाधिवेशन तयारीलगायत विषयमा छलफल गरी आवश्यक निर्णय लिने जनाइएको छ ।

बैठकले संघीय सरकारमा रहने वा नरहने भन्ने विषयमा औपचारिक निर्णय गर्ने प्रवक्ता मनिष सुमनले जानकारी दिए । जसपा नेपालका अध्यक्ष यादव अहिले प्रचण्ड नेतृत्वको सरकारमा उपप्रधान तथा स्वास्थ्यमन्त्री छन्। आइतबार बसेको जसपा नेपालको केन्द्रीय कार्यकारिणी समितिको बैठकले सरकारबाट बाहिरिनुको साथै समर्थन फिर्ता लिने निर्णय गरिसकेको छ । 

मधेश प्रदेशबाट नेकपा माओवादी र एमालेले समर्थन फिर्ता लिएपछि संघीय सरकारमा पनि जसपा नेपालले सरकार छाड्ने तयारी गरेको हो ।