आगलागीपछि मन्दिरको जग्गा अतिक्रमण भएको भन्दै राष्ट्रिय एकता अभियानले भुमी सुधार मन्त्रीलाई बुझायो ज्ञापन पत्र

३१ वैशाख, महोत्तरी । राष्ट्रिय एकता अभियानले भुमी सुधार मन्त्रीलाई बुझायो ज्ञापन पत्र वुझाएको छ ।  अभियानले महोत्तरी मटिहानी–६ स्थित जरलहवा गाछीमा भएको आगलागीको घटनापछि मन्दिरको जग्गा अतिक्रमण भएको वारे गम्भीर चिन्ता व्यक्त गर्दै भुमी सुधार मन्त्रीलाई ज्ञापन पत्र बुझाएको हो ।

 राष्ट्रिय एकता अभियानका अध्यक्ष विनय यादबले भुमि सुधार मन्त्री बलराम अधिकारीलाई आज सिंहदरबारमा सो ज्ञापन पत्र बुझाएका हुन् । हिन्दु आस्थाको पवित्र स्थल लक्ष्मीनारायण गुठीको जग्गा गैर कानुनी रूपमा कब्जा गरिएको ज्ञापन पत्रमा उल्लेख छ ।

ज्ञापन पत्रमा लेखिएको छ, ‘आगलागी पीडितलाई राहत दिने बहानामा मन्दिरको जग्गा अतिक्रमण गरिएको छ । गैर९नेपाली नागरिकहरू, विशेष गरी मुस्लिमहरू लगायतका व्यक्तिहरू सो ठाउँमा बसोबास गर्न थालेका छन्, जसले हाम्रो धार्मिक र ऐतिहासिक सम्पदालाई मात्र नभई आन्तरिक शान्ति, सुरक्षा र सामाजिक क्षेत्रमा पनि गम्भीर खतरा पैदा हुने सङ्केत गरेको छ,’ पत्रमा भनिएको छ, ‘यस्ता गैर कानुनी अतिक्रमणले हाम्रा धार्मिक स्थलहरूको पवित्रतालाई उल्लङ्घन गर्ने मात्र होइन न्याय, समानता र विधिको शासनको सिद्धान्तलाई पनि कमजोर बनाउँछ । हामी तपाईँको सम्मानित मन्त्रालयलाई यस मामिलालाई सम्बोधन गर्नको लागि तत्काल र निर्णायक कदम चाल्न आग्रह गर्दछौँ ।’

ज्ञापन पत्रमा निम्न चार वटा माग समावेश गरिएका छन् 

१ . जरलहवा गाछीमा मन्दिरको सम्पत्तिको अवैध अतिक्रमणको बारेमा विस्तृत अनुसन्धान गर्ने र यस गैर कानुनी कार्यका लागि जिम्मेवार व्यक्ति र संस्थाहरूको पहिचान गर्ने, विशेष गरी मुस्लिम लगायत गैर-नेपालीहरूमा ध्यान केन्द्रित गर्ने।

२. मन्दिरको सम्पत्ति अतिक्रमण गरेको दोषी पाइएमा कानुनी कारबाही गर्ने र कानुन बमोजिम उचित जरिवानाको व्यवस्था गर्ने ।

३. मन्दिरको सम्पत्तिमा थप अतिक्रमण रोक्न र देशभरका धार्मिक संस्थाहरूको अधिकार र हितको रक्षा गर्न उपायहरू कार्यान्वयन गर्ने ।

४. अवैध जग्गा कब्जाको व्यापक मुद्दालाई प्रभावकारी रूपमा सम्बोधन गर्न तथा सार्वजनिक र धार्मिक सम्पत्तिहरूको संरक्षण सुनिश्चित गर्न सम्बन्धित सरकारी निकायहरू, कानुन प्रवर्तन निकायहरू र स्थानीय सरोकार वालाहरूसँग समन्वय गर्ने ।