सलमान खानको घर फायरिङ काण्डः हरियाणाबाट छैटौं आरोपी पक्राउ

 १ जेठ, काठमाडाैं । बलिउड सुपरस्टार सलमान खानको मुम्बईस्थित ग्यालेक्सी अपार्टमेन्ट बाहिर गोली हानाहान प्रकरणामा अर्का एकजना पक्राउ परेका छन् । मुम्बई अपराध शाखाले छैटौं आरोपीलाई हरियाणाको फतेहाबादबाट पक्राउ गरेको छ। आरोपितको नाम हरपाल सिंह रहेको बताइएको छ, जसको उमेर ३४ वर्ष छ ।

आरोपी हरपाल सिंहलाई हरियाणाबाट मुम्बई ल्याइएको छ। स्राेतका अनुसार छिट्टै अभियुक्तलाई अदालतमा पेश गरिनेछ। मुम्बई क्राइम ब्रान्चले यस मामिलामा अहिलेसम्म अनुज थापन, सोनु बिश्नोई, सागर पाल, मोहम्मद रफिक चौधरी र विक्की गुप्तालाई पक्राउ गरिसकेको छ। तर, अनुज थापानले भर्खरै प्रहरी हिरासतमा आत्महत्या गरेका थिए ।

सलमान खानको घर बाहिर गोली चलेको घटना अप्रिल १४ मा भएको थियो । त्यसबेला अभिनेताको घरबाहिर दुईजना आक्रमणकारी मोटरसाइकलमा आएका थिए । विक्की गुप्ता र सागर पालले सलमानको घरबाहिर ५–६ राउण्ड फायर गरेका थिए ।