निर्वाचन सकिएको दुई वर्षपछि तनहुँको व्यास नगरपालिकाको पुनः मतगणना गर्न उच्चको आदेश

पोखरा । उच्च अदालत पोखरले तनहुँको ब्यास नगरपालिकामा पुनः मतगणना गर्न आदेश दिएको छ । निर्वाचन भएको २ वर्षपछि नगरपालिका प्रमुखको पुनः मत गणना गर्न उच्चले आदेश दिएको हो । 

उच्च अदालतका न्यायाधीश राजनप्रसाद भट्टराई र निर्मला पौडेल भट्टराईको इजलासले पुनः मतगणना गर्न आदेश दिएको हो । २०७९ वैशाखमा भएको निर्वाचनमा नगरपालिका प्रमुखमा स्वतन्त्र उम्मेदवारी दिएर पराजित भएका दीपकराज जोशीले पुनः मतगणनाको माग गर्दै उच्च अदालत पोखरामा मुद्दा दर्ता गराएका थिए ।

त्यस नगरपालिकामा नेपाली कांग्रेसका वैकुण्ठनाथ न्यौपाने २ सय ५२ मतान्तरले विजयी भएका थिए । न्यौपानेले १२ हजार ७८ र पराजित जोशीले ११ हजार ८ सय २६ मत पाएका थिए । अब फेरी मत गणना गर्नुपर्ने भएको छ ।