प्रधानमन्त्रीले १ बजे बोलाए मन्त्रिपरिषदको नियमित बैठक

३ जेठ, काठमाडौं । प्रधानमन्त्री पुष्पकमल दाहाल प्रचण्डले मन्त्रिपरिषद् बैठक बोलाएका छन् । प्रतिनिधि सभाको बैठकमा हुने गतिविधि पछि उनले मन्त्रिपरिषदको बैठक बोलाएका हुन् । प्रधानमन्त्रीको कार्यालय सिंहदरबारमा दिउँसो एक बजेका लागि बैठक बोलाइएको बैठकमा खास एजेण्डा भने नभएको बताइएको छ । 
 
नियमित बैठक भएकाले सरकारका नियमित कामका विषयमा मात्र छलफल हुनेछ । सत्तारुढ दलबीच सहमति नभएकाले संसदीय छानबिन समिति गठनका विषयमा कुनै निर्णय नहुने देखिएको छ । प्रधानमन्त्रीले कांग्रेसलाई समिति गठन हुने आश्वासन दिइरहेका छन् तर, एमाले अध्यक्ष ओली यसको विपक्षमा छन् । 

बैठकमा सरकारको नियमित काम कारबाही, पछिल्ला राजनीतिक घटनाक्रम र समसामयिक विषयमा छलफल र केही सहसचिवहरूको सरुवा हुनसक्ने बताइएको छ ।