ओली र प्रचण्डपछि सभामुखले थाले सचेतकसँग छलफल, संसद ढिला सुरु हुने

३ जेठ, काठमाडौं । संसदको अवरोध हटाउने विषयमा प्रधानमन्त्री पुष्पकमल दाहाल प्रचण्ड, नेकपा एमालेका अध्यक्ष केपी शर्मा ओली र उपप्रधान एवं गृहमन्त्री रवि लामिछानेबीचको छलफल सकिएको छ । प्रधानमन्त्रीको सरकारी निवास बालुवाटारमा बिहीबार तीन नेताबीच छलफल भएको थियो ।

अहिले सभामुखले दलका सचेतक र प्रमुख सचेतकसँग छलफल सुरु गरेका छन् । तीन नेताबीच बुधबार पनि सिंहदरबारमा छलफल भएको थियो । तर, संसद खुलाउने विषयमा केही निर्णय आउन सकेन । प्रमुख प्रतिपक्ष दल नेपाली कांग्रेसले सहकारीको बचत हिनामिनाबारे छानबिन गर्न संसदीय समिति नबनाइएसम्म संसद् बैठक सञ्चालन गर्न दिने अडानमा छ ।

तीन नेताको बैठकले कुनै निष्कर्ष नदिएपछि कम्तीमा धन्यवाद प्रस्ताव भएपनि पारित गराउने सभामुखले कांग्रेससँग आग्रह गरेका छन् । सचेतकहरुसँग यही विषयमा छलफल चलिरहेको बताइएको छ । घिमिरेले  प्रतिनिधि सभाको बैठक अघि दलका प्रमुख सचेतकहरूलाई छलफलका लागि बोलाएका हुन् । 

आज ११ बजेका लागि बैठक बोलाए केही ढिलाइ हुने भएको छ । एकीकृत समाजवादीले प्रतिपक्षी दललाई जिस्क्याएर वा होच्याएर संसद् चल्न नसक्ने बताएको छ ।  संसद्मा जारी गतिरोधबारे सत्ता पक्षले विपक्षीको कुरा सुन्नुपर्ने बताएको छ ।