समितिले १५ दिनमा काम सक्ने र त्यतिन्जले रवि लामिछाने बाहिर बस्ने गरी सहमति जुटाइँदै
नेपालबहस संवाददाता
जेठ ३, २०८१ बिहिबार १४:४७:५०
३ जेठ, काठमाडौं । सत्तापक्ष र विपक्षी दलहरू यतिबेला तह तहको छलफलमा लागिरहेका छन् । बिहीबार ४ बजे सारिएको संसद बैठकअघि विभिन्न विकल्पमा मुख्य नेताहरु सहमति जुटाउने प्रयासमा लागिरहेका छन् । बिहीबार पहिलो र दोस्रो तहका नेताबीच चरण चरणमा छलफल जारी छन् ।
प्रतिनिधि सभा र राष्ट्रिय सभाको बिहीबारको बैठक केही समय सारेर सहमति खोज्न बहुपक्षीय छलफल भइरहेको छ । संसद् भवन नयाँ बानेश्वरमा सबै दलका नेताहरू छन् । उनीहरुले आ–आफ्ना दल र फरक फरक दलका नेताहरूबीच अनौपचारिक संवाद गरिरहेका छन् । सभामुख देवराज घिमिरे र शीर्ष नेताहरू पनि छलफलमा छन् । दोस्रो र तेस्रो तहका नेताहरू पनि आपसी सहमति खोज्ने कोसिसमा छन् ।
अहिले मुख्य गरी तीन विकल्पमा छलफल भइरहेको नेताहरूले बताएका छन् । गृहमन्त्री रविलाई बोल्न दिने, १५ दिनको म्याद राखेर छानबिन समिति बनाउने र सो समयसम्म रविले उपप्रधानमन्त्री र गृहमन्त्रीको जिम्मेवारीबाट बाहिर बस्ने छन् । यसबाहेकका अरु विकल्पहरूका वरिपरि छलफल भइरहेको जानकारी दिइएको छ ।
नेताहरूका अनुसार कांग्रेसले कुनै हालतमा सहकारी छानबिन समिति गठन गर्नै पर्ने अडान राखेपछि प्रधानमन्त्री पुष्पकमल दाहालले कांग्रेससँग संवाद गरेका छन् । उनले गृहमन्त्री रवि लामिछानेलाई बोल्न पनि दिने र सहकारी छानबिन समिति पनि बनाउने विषयमा कुरा गरेका छन् । तर यो विषयमा एमाले र रास्वपाको स्पष्ट धारणा आइसकेको छैन ।
सदनमा बजेट ल्याउन कांग्रेसले अवरोध नगर्ने, सर्वोच्च अदालतबाट समेत आदेश आइसकेकोले गिरीबन्धु टिस्टेटको विषयलाई अब संसदमा कांग्रेसले प्रवेश नगराउने लगायतका विकल्पहरूका वरिपरि छलफल भइरहेको छ । विकल्पहरूका बीचमा सहमति बने प्रतिनिधि सभा र राष्ट्रिय सभाको बिहीबारको बैठकको अवरोध हट्ने सम्भावना देखिएको छ ।
बैठकको अवरोध हट्ने संकेत पाएको भन्दै प्रधानमन्त्री पुष्पकमल दाहालले बिहीबार सभामुख घिमिरे र राष्ट्रिय सभा अध्यक्ष नारायण दाहाललाई बैठक सार्ने अनुरोध गरेका थिए । प्रधानमन्त्रीको अनुरोध अनुसार प्रतिनिधि सभा अपरान्ह ४ बजे र राष्ट्रिय सभाको बैठक ४ः३० बजे बस्ने गरी सूचना टाँगेर स्थगित गरिएको छ । अहिले सबै नेताहरु छलफलमै व्यस्त छन् ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपउर्जामन्त्रीको विवादित होटल उद्घाटनमा प्रधानमन्त्रीदेखि कांग्रेस सभापतिसम्म
असोज २४, २०८१ बिहिबार
शासन राम्रो नहुँदा जनतामा बेचैनी बढ्योः पुर्वराजा ज्ञानेन्द्र
असोज २३, २०८१ बुधबार
प्रहरीमा मानव स्रोत व्यवस्थापनः वर्तमान अवस्थाको चित्रण
असोज २३, २०८१ बुधबार
उर्जामन्त्रीको विवादित होटल उद्घाटनमा प्रधानमन्त्रीदेखि कांग्रेस सभापतिसम्म
असोज २४, २०८१ बिहिबार
नयाँ नोट मुद्रण नहुँदा राज्यलाई डेढ अर्ब फाइदा, सटही २५ अर्बले घट्यो
असोज २३, २०८१ बुधबार
हनुमानढोका दरबारका लागि फूलपातीसहितको डोली पठाइयो
असोज २४, २०८१ बिहिबार
ग्लोबल आइएमई बैंक र माइजोई बिच सम्झौता, युएईबाट नेपालमा सजिलै रकम पठाउन सकिने
असोज २४, २०८१ बिहिबार
बागलुङमा चङ्गा चेट
असोज २४, २०८१ बिहिबार
महालक्ष्मी स्मार्ट साथी’ नामक एप्लिकेसन सञ्चालनमा
असोज २४, २०८१ बिहिबार