प्रतिनिधिसभाको बैठक आज बस्दै

४ जेठ, काठमाडौं । प्रतिनिधिसभाको बैठक आज बस्दै छ । बैठक आज बिहान ११ बजे बस्न लागेको हो ।

बिहीबारको बैठकमा प्रमुख प्रतिपक्षी दल नेपाली कांग्रेसको अवरोधविरुद्ध सत्तारुढ दल नेकपा एमाले पनि रोस्टममा उत्रिएपछि सांसदहरूबीच धकेलाधकेल भएको थियो । संसदमा तनाव पूर्ण अवस्था सिर्जना भएपछि सभामुख देवराज घिमिरेले बैठक स्थगित गरेका थिए ।

सभामुख घिमिरेले उपप्रधानमन्त्री तथा गृहमन्त्री रवि लामिछानेलाई बोल्नका लागि समय दिए पनि कांग्रेसले विरोध गरेपछि लामिछानेले बोल्न पाएनन् ।

नेपाली कांग्रेसले सहकारीको रकम अपचलनमा लामिछानेको संलग्नता देखिएको भन्दै निष्पक्ष छानबिनका लागि संसदीय समिति गठनको माग गर्दै आएको छ ।  तर त्यो मागलाई सत्ता साझेदार दलहरूले अस्वीकार गर्दै आएका छन् ।