संसदीय दलको बैठकपछि संसद अवरोधबारे विपक्षी दलहरुसँग छलफल गर्दै कांग्रेस

४ जेठ, काठमाडौं । नेपाली कांग्रेसको संसद अवरोध र संसदीय छानबिन समिति गठनबारे विपक्षी दलहरूसँग छलफल गर्ने भएको छ । संसदीय दलको बैठकपछि छलफल गर्न कांग्रेसले विपक्षी दलहरुलाई बोलाएको छ । नयाँबानेश्वर स्थित संसद भवनको ल्होत्से हलमा जारी बैठक सकिए लगत्तै कांग्रेसले विपक्षी दलहरूको संयुक्त बैठक आह्वान गरेको हो । 

कांग्रेस सभापति शेरबहादुर देउवाले जसपा नेपाल, राप्रपा, लोसपा, नेमकिपा, जनमोर्चा लगायतका नेताहरूलाई बैठकमा बोलाएका हुन् । प्रतिनिधि सभा बैठकमा विपक्षी दलहरूको संयुक्त रणनीति बनाउने उद्देश्यले संयुक्त बैठक बोलाइएको नेपाली कांग्रेसले जनाएको छ । प्रतिनिधि सभाको बैठक आज बिहान ११ बजे बस्दै छ ।

त्यसअघि बैठक बोलाइएको हो । हिजो बिहीबार संसदमा एमाले र कांग्रेसका सांसद बीच धकेलाधकेल भएको थियो । आज विपक्षी दलसँग छलफल गरेपछि संसदमा कसरी प्रस्तुत हुने भन्ने निर्णय हुने कांग्रेसले जनाएको छ ।