बालुवाटारमा कांग्रेस नेतालाई प्रधानमन्त्री प्रचण्डको निम्तो

४ जेठ, काठमाडौं । प्रधानमन्त्री पुष्पकमल दाहाल प्रचण्डले नेपाली कांग्रेसका नेताहरूलाई छलफलका लागि बालुवाटार बोलाएका छन् । आजको संसद बैठक स्थगित भएपछि प्रधानमन्त्रीले छलफल लागि कांग्रेस नेतालाई बालुवाटारमा बोलाएका हुन् । साँझ ६ बजेपछि प्रधानमन्त्री र कांग्रेस नेताबीच छलफल हुने प्रधानमन्त्रीको सचिवालयले जनाएको छ । 

शुक्रबार बोलाइएको प्रतिनिधिसभा बैठक बस्न नसकेपछि प्रधानमन्त्री प्रचण्डले कांग्रेसका नेताहरूसँग थप छलफल गर्न लागेका हुन् । कांग्रेसले निरन्तर संसद बैठक अवरोध गर्दै आएको विषयमा साँझ छलफल हुने भएको हो । प्रधानमन्त्री प्रचण्डले बिहान नेकपा एमालेका अध्यक्ष केपी शर्मा ओली र उपप्रधान एवं गृहमन्त्री रवि लामिछानेसँग पनि छलफल गरेका थिए ।