आजदेखि संसद भवन वरिपरीका पेटीबाट हिँड्न नपाइने

४ जेठ, काठमाडौं । प्रहरीले नयाँ बानेश्वरस्थित संसद् भवन बाहिरको फुटपाथमा हिँड्न रोक लगाएको छ । शुक्रबारदेखि यस क्षेत्रको फुटपाथमा हिँड्न रोक लगाइएको हो । जिल्ला प्रहरी परिसर काठमाडौंले संसद् भवन अगाडि प्रदर्शन गर्न लागेकाले सुरक्षा व्यवस्था थप कडा बनाइएको जनाएको छ । 

नेविसंघले सहकारीको बचत अपचलन बारे छानबिन समिति गठनको माग गर्दै संसद् भवन नयाँ बानेश्वरमा प्रदर्शन गरेपछि प्रहरीले सर्वसाधारणलाई भवन अगाडिको पैदलमार्गमा सर्वसाधारणलाई हिँड्न रोकेको हो ।

गृहमन्त्री रवि लामिछानेले बचत अपचलन गरेको भन्दै कांग्रेसले उनी समेतलाई समेट्ने गरी छानबिन समिति बनाउनुपर्ने माग गर्दै प्रदर्शन गरेको थियो । त्यसपछि संसद् भवनको सुरक्षाका लागि भन्दै सर्वसाधारणलाई त्यहाँबाट हिँड्न रोक लगाइएको हो ।