प्रधानमन्त्रीले राष्ट्रिय राजनीतिमा तमासा देखाउनु भोः नेपाल

५ जेठ, काठमाडौं । नेकपा एकीकृत समाजवादीका अध्यक्ष माधवकुमार नेपालले प्रधानमन्त्री पुष्पकमल दाहाल प्रचण्डले राष्ट्रिय राजनीतिमा तमासा देखाइरहेको बताएका छन् । उनले प्रधानमन्त्रीले राजनीतिमा तमासा मात्र गरेको तर, कुनै पनि कुराकाे निकास निकाल्न नसकेको बताएका छन् । 

शनिबार नेकपा माओवादी केन्द्रको पार्टी केन्द्रीय कार्यालयमा आयोजित पुस्तक विमोचन कार्यक्रममा अध्यक्ष नेपालले प्रधानमन्त्री प्रचण्ड राष्ट्रिय राजनीतिमा अत्यन्त व्यस्त बनिरहेको बताए । उनले यस्तो व्यस्तताको नतिजा भने नआएको दावी गरे । उनले राष्ट्रिय राजनीतिमा आफूहरूलाई बेवास्ता गरिरहेको पनि आरोप लगाए । 

नेपालले भने, ‘हाम्रो प्रधानमन्त्री ज्यू, अत्यन्तै बिजी हुनुहुन्छ । राष्ट्रिय राजनीतिमा उहाँ भन्दा बढी बिजी कोही पनि छँदै छैन होला । हामी त खाली उहाँको तमासा हेरेर बस्ने मान्छे हो । हामी यी सबै घटनालाई नियालिरहेका छौँ । अवलोकन गरिरहेका छौँ । नेपालको राजनीतिले अब कुन कोर्स लिएर जाने हो, यो सबै कुराको सन्दर्भमा राम्रो दिशामा यो देशको राजनीति अघि बढोस् । हामी चाहन्छौ, यो देशमा स्थायित्व कायम होस् र वामपन्थीहरूको कम्युनिस्टहरू बीचको एकता र समझदारी नयाँ उचाइमा पुगोस् ।’