रवि उपप्रधानमन्त्री भएर बस्नुपर्छ, आरोप लागेको मान्छे गृहमा बस्दा छानबिन प्रभावित हुन्छः कोइराला
नेपालबहस संवाददाता
जेठ ५, २०८१ शनिबार १५:५२:३७
जेठ ५, काठमाडौं । नेपाली कांग्रेसका वरिष्ठ नेता डा. शेखर कोइरालाले रवि लामिछाने उपप्रधानमन्त्री मात्र भएर बसे सहकारी प्रकरणको छानबिनमा सहज हुने बताएका छन् । उनले आरोप लागिसकेको व्यक्ति छानबिनसँग सम्बन्धित गृह मन्त्रालयमा बस्दा समस्या उत्पन्न हुने दावी गरेका छन् । उपप्रधानमन्त्री भएर बस्दा आपत्ति नहुने उनको भनाइ छ ।
कोइरालाले कांग्रेसले रविलाई बोल्न दिएन भन्नु गलत भएको भन्दै यसमा गलत ढंगले प्रचार भइरहेको बताए । बिहीबार उनलाई बोल्न दिने कुरामा कांग्रेसले अवरोध नगरेको कोइरालाको भनाइ छ । नेपाल लोकतान्त्रिक वैदेशिक रोजगार व्यवसायी एसोसिएसनले शनिबार काठमाडौँमा आयोजना गरेको कार्यक्रममा उनले रवि बोलेपछि चित्त नबुझे कांग्रेसले खण्डन गर्छौ मात्र भनेको बताए ।
उनले भने– ‘रवि लामिछाने जीलाई हामीहरूले बोल्न नदिएको होइन । बोल्नुस् भनेर भनेकै हो । तर हामीहरूले के भनेको थियौ भने तपाईँले बोलिसके पछि हामीलाई चित्त बुझ्यो भने हामी बस्छौँ । होइन भने हामी तपाईँले बोलेको बोलीको खण्डन गर्छौं भनेर भन्दा पनि त्यो स्वीकार्य भएन ।’
उनले उपप्रधानमन्त्री लामिछानेले सहकारी ठगीमा मुछिएपछि गृहमन्त्री भएर बस्न नमिल्ने समेत बताए । उपप्रधानमन्त्री भए फरक नपर्ने तर गृह मन्त्रालयमा बस्न भने उनले नमिल्ने कोइरालाको भनाई छ । उनले उपप्रधानमन्त्री लामिछाने आफैंले संसदमा उभिएर आफूमाथि लागेको सहकारी ठगी छानबिनका लागि संसदीय समिति बनाउनुपर्ने धारणा राख्नुपर्ने समेत बताए ।
‘हामीले राजीनामा मागेको छैन । हामी त के भन्छौँ भने उहाँ गृहमन्त्री नभएको भए हामी केही पनि गर्दैन थियौ होला । किनभने सहकारीमा त तल्लो तप्काका मानिसहरूले पैसा जम्मा गरेको रकम अपचलन भएको हो नि त । जनताले सडकमा उठाएका मागहरूलाई हामीले सदनमा ल्याइदिएको हो । निष्पक्ष छानबिन त सांसदले गर्ने होइन होला । रवि जीलाई जुन कुराको चार्ज लगाएका छन् । त्यो कुरा होइन भनेर उहाँले पुष्टि गरिदिनुपर्याे । त्यो पुष्टि हुनका लागि उहाँ मन्त्री नै हुनुहोस् । उपप्रधानमन्त्री नै बसिरहनु होस् । तर गृह मन्त्रालयमा त बस्नु भएन नि उहाँले ।’ कोइरालाले बोल्न दिन्न भन्ने कांग्रेस कस्तो डेमोक्रेटिक पार्टी हो भन्ने आरोप मिथ्या भएको बताए ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपच्यासलमा मनोहराको बाढी पसेर ध्वस्त बनाए पछि एमालेले किर्तिपुरमा पार्टी कार्यालय बनाउने
असोज २४, २०८१ बिहिबार
आफ्नै मतदातालाई धोखा दिने गद्दार नेताले ‘भोट’ फिर्ता गर्नुपर्छ :: प्रभु साह
असोज २४, २०८१ बिहिबार
उर्जामन्त्रीको विवादित होटल उद्घाटनमा प्रधानमन्त्रीदेखि कांग्रेस सभापतिसम्म
असोज २४, २०८१ बिहिबार
उर्जामन्त्रीको विवादित होटल उद्घाटनमा प्रधानमन्त्रीदेखि कांग्रेस सभापतिसम्म
असोज २४, २०८१ बिहिबार
नयाँ नोट मुद्रण नहुँदा राज्यलाई डेढ अर्ब फाइदा, सटही २५ अर्बले घट्यो
असोज २३, २०८१ बुधबार
महिला भलिबलको व्यावसायिक विकास
असोज २४, २०८१ बिहिबार
च्यासलमा मनोहराको बाढी पसेर ध्वस्त बनाए पछि एमालेले किर्तिपुरमा पार्टी कार्यालय बनाउने
असोज २४, २०८१ बिहिबार
आठ लाख यात्रु दशैं मान्न काठमाडौं उपत्यकाबाट बाहिरिए
असोज २४, २०८१ बिहिबार
आफ्नै मतदातालाई धोखा दिने गद्दार नेताले ‘भोट’ फिर्ता गर्नुपर्छ :: प्रभु साह
असोज २४, २०८१ बिहिबार
हनुमानढोका दरबारका लागि फूलपातीसहितको डोली पठाइयो
असोज २४, २०८१ बिहिबार