संघीय संसदका दुवै सदनको बैठक बस्दै

६ जेठ, काठमाडौं ।  आज संघीय संसदको दुवै सदनको बैठक बस्दै छ । आज प्रतिनिधिसभाको बैठक बिहान ११ बजे र राष्ट्रिय सभाको बैठक अपरान्ह १: १५ बजेदेखि शुरु हुँदै छ ।

कांग्रेसले सहकारी प्रकरणमा गृहमन्त्री रवि लामिछाने मुछिएको भन्दै संसदीय छानबिन समिति गठनको माग राखेको विषयमा प्रमुख चार दलबीच सहमति भएकाले आजको संसद बैठक बिना अवरोध चल्ने देखिएको छ ।

यद्यपि संसदीय छानबिन समितिको 'टिओआर' आज बनाउने भनिएको छ । 'टिओआर'मा बैठक अघिसम्म सहमति भएमा आजका संसद बैठक बिना अवरोध चल्ने देखिएको छ ।