दिउँसो २ बजेलाई सारियो प्रतिनिधिसभा बैठक

६ जेठ, काठमाडौं । आज आइतबार ११ बजे बोलाइएको प्रतिनिधि सभाको बैठक दिउँसो २ बजेसम्मलाई सारिएको छ । सहकारीको रकम अपचलनबारे छानिबन गर्न गठन हुने संसदीय समितिको कार्यादेश टुंग्याउने कार्यदलको बैठक नसकिएका कारण प्रतिनिधिसभाको बैठक सारिएको हो । 

बिहान ११ बजे बोलाइएको बैठक साढे १२ बजे सूचना जारी गरेर २ बजेलाई सरेको जानकारी दिइएको छ । संघीय संसद सचिवालयले जारी गरेको सूचनामा विशेष कारणवश तोकिएको समयमा बैठक बस्न नसकेकाले सभामुख देवराज घिमिरेले २ बजे बैठक बस्ने समय निर्धारण गरेको उल्लेख छ ।