संसदीय दलको बैठकपछि कांग्रेसले पत्रकार सम्मेलन गर्ने

७ जेठ, काठमाडौं । नेपाली कांग्रेसको संसदीय दलको बैठक सुरु भएको छ । प्रधानमन्त्री पुष्पकमल दाहाल प्रचण्डले विश्वासको मत पाएलगत्तै कांग्रेसले संसदीय दलको बैठक डाकेको हो ।

बैठक संघीय संसद भवनको ल्होत्से हल नयाँ बानेश्वरमा सुरुभएको हो । बैठकले प्रधानमन्त्रीको विश्वासको मतपछि विकसित राजनीतिक घटनाक्रमको समीक्षा र भावी रणनीति तय गर्ने बताइएको छ ।

यसअघि बिहान बसेको संसदीय दल बैठकले गृहमन्त्री रवि लामिछानेमाथि संसदीय समितिको बटमलाइन दोहोर्याएको थियो । संसदीय दलको बैठकलगत्तै कांग्रेसले पत्रकार सम्मेलन गर्ने भएको छ ।