संसदीय इतिहासमा कलंकित दिन, २०८१ साल जेठ ७ गते
केदार भट्टराई (काका)
जेठ ७, २०८१ सोमबार १५:४:४
७ जेठ, काठमाडौं । सम्भवतः २०८१ सालको जेठ ७ गते नेपालको संसदीय इतिहासको कलंकित दिनका रुपमा स्थापित हुनेछ । यो दिनलाई सम्झँदा इतिहासले विपक्षीलाई मार्शल लगाएर विश्वासको मत लिने प्रधानमन्त्री पुष्पकमल दाहाल 'प्रचण्ड' र वेल घेराउमा उत्रिएको नेपाली कांग्रेसलाई पनि नबिर्सिएला । कारण खोजिएछ भने गृहमन्त्री रवि लामिछानेको नाम छुटे पनि सहकारी ठगीसम्बन्धी एउटा प्रकरण थियो भन्ने कुरा रहिरहनेछ ।
विश्वासको मतका सम्बन्धमा संविधानतः प्रधानमन्त्रीले कुनै पनि बेला प्रतिनिधिसभाको विश्वासको मत लिन सक्छन् भन्ने नै छ । तर पेलेर जाने नियतका सम्बन्धमा बोलेको छैन । कलंकित नहुने मनसाय थियो भने प्रधानमन्त्री प्रचण्डले संसदको अवरोध खुलाउने उपाए अपनाएर मात्र विश्वासको मत लिन सक्थे । प्रशस्त सम्भावना थियो । हतारिएर आजै विश्वासको मत नलिएको खण्डमा उनी तलमाथि पर्ने अवस्था थिएन । तर, उनले त्यो बाटो रोजेनन् ।
डेढ वर्षभित्र नपुग्दै चौथो पटक प्रतिनिधिसभामा विश्वास मत माग्दै प्रधानमन्त्रीले वेलमा नाराबाजी गर्दै गरेका नेपाली कांग्रेसका सांसदहरूलाई यो कदम निकै महँगो पर्ने चेतावनी दिए । उनको भनाइमा कांग्रेसले चुक्ता गर्नुपर्ने मूल्य ठूलै पनि हुनसक्छ । मूल्य चुकाउनुपर्ने विषय वा दिन इतिहासले देला वा जनताले दिन्छन् । प्रधानमन्त्रीले नबुझि नै बोलेको हुनुपर्छ । २०८१ जेठ ७ को यो घटना हुनुको कारण खोजेर जाने हो भने मूल्य चुकाउनु पर्ने भएकाे घटनाकाे सजाय जनताले दिनुपर्छ ।
प्रधानमन्त्रीलाई विश्वासको मत लिन कांग्रेसले रोक्नुपर्ने कुनै कारण थिएन । केवल सहकारीका बचत कर्ताको रकम अपचलन गर्ने माथि कारवाही गरौँ । सहकारी ठगीमा संलग्न भएको भनेर नेपाल सरकारका उपप्रधान तथा गृहमन्त्रीमाथि आरोप लाग्यो । उनीमाथि पनि छानबिन हुने गरी जनताका प्रतिनिधि भएको एउटा संसदीय समिति बनाएर छानविनमा जाउ र यसका लागि प्रधानमन्त्रीलाई समिति बनाउ भनेको हो । समिति नबनाएपछि यसरी संसद अवरोध गर्न चलन पुरानै हो । यसमा संसदभित्रका कुनै दल अछुतो छैनन् ।
यतिबेला लाखौँको संख्यामा सर्वसाधारण नेपाली सहकारीमा राखेको रकम ठगिएर अलपत्र छन् । उनीहरुको रकम अपचलन गर्ने माथि कारवाही गरेर सरकारले जसरी हुन्छ उनीहरुको रकम फिर्ता गर्न वातावरण मिलाउनुपर्ने हो । तर, उल्टै सहकारीका बचतकर्ताको करोडौंको रकम अपचलन गर्ने गृहमन्त्री रवि लामिछानेलाई बचाउन ती ठगिएका लाखौँ जनताको विपक्षमा उभिएर प्रधानमन्त्रीले विश्वासको मत लिए । इतिहासले सभामुखको भूमिका पनि सम्झन लायक नै मान्नेछ ।
प्रधानमन्त्रीले प्रतिनिधिसभाको विश्वासको मत लिन लाग्दा संसद अवरुद्ध हुनु देशकै दुर्भाग्य हो । विपक्षले वेल घेराउ गर्दागर्दै मर्यादापालककाे घेरामा प्रधानमन्त्री रोस्ट्रममा पुगेर विश्वासको मतको प्रस्ताव प्रस्तुत गर्नु र हतार हतार प्रस्ताव पारित भएको घोषणा हुनु पनि संसदीय लोकतन्त्रमा उचित र मर्यादित अभ्यास होइन । यस अर्थले नेपालको संसदीय इतिहासमा २०८१ साल जेठ ७ गते कलंकका रुपमा अंकित भयो । याे प्रधानमन्त्री प्रचण्ड माथि लागेपनि कांग्रेसमाथि लागे पनि कलंक लाग्यो लाग्यो ।
संसदीय छानबिन समितिको कार्यादेश तयार गर्न बनाइएको कार्यदलमा सहमति हुन नसकेपछि विपक्षले संसद् चल्न नदिने पनि थाहै थियो । यसबाट संसदीय मर्यादा भताभुङ्ग बनाउने अग्रसरता प्रधानमन्त्री दाहालले लिएको देखिन्छ । मर्यादा र व्यवस्था कायम राख्ने दायित्व विपक्षभन्दा बढी सरकारको हुन्छ । विपक्ष सहभागी नभएको विश्वासको मतले प्रधानमन्त्रीलाई सरकार चलाउने कानुनी वैधता त प्राप्त होला तर उनको सरकारको शासन गर्ने नैतिक वैधतामा भने प्रश्न रहिरहनेछ ।
केदार भट्टराई (काका)
नेपालबहस डटकमका कार्यकारी सम्पादक केदार भट्टराई दुई दशकदेखि नेपाली पत्रकारितामा क्रियाशील छन् । भूगोल साप्ताहिकबाट पत्रकारिता शुरु गरेका पत्रकार भट्टराईले साप्ताहिक विमर्श, देशान्तर, रेडियो नेपाल वाणी नेटवर्कमा काम गरिसकेका छन् । भट्टराईले आर्थिक, राजनीतिक, भ्रष्टाचार एवं विकृति र विसंगतिका विरुद्ध तीखो कलम चलाउँदै आएका छन् ।
लेखकबाट थपइन्सपेक्टर शाही पक्राउ प्रकरणमा किन जोडिदैछन् एसपी थापा ?
कात्तिक १, २०८१ बिहिबार
बार र बेञ्चको विवादः कात्तिक १ गते कसरी समाधान निस्कन्छ ?
असोज २४, २०८१ बिहिबार
इन्सपेक्टर शाही पक्राउ प्रकरणमा किन जोडिदैछन् एसपी थापा ?
नेपालबहस संवाददाता
कात्तिक १, २०८१ बिहिबार
भारतीय फिल्मी शैलीमा आए, गिरीमाथि आक्रमण गरे
नेपालबहस संवाददाता
असोज ३०, २०८१ बुधबार
इन्सपेक्टर शाही पक्राउ प्रकरणमा किन जोडिदैछन् एसपी थापा ?
कात्तिक १, २०८१ बिहिबार
चिन्तामा प्रधानमन्त्री ओली, तीन महिना नपुग्दै कसले चलायो दुई तिहाइको सरकार ढल्ने हल्ला ?
कात्तिक १, २०८१ बिहिबार
भ्रष्टाचारी ठहर भएकाले दिएको दान लिनु पनि भ्रष्टाचार हो भन्दै ओलीविरुद्ध अख्तियारमा पर्यो मुद्दा
कात्तिक १, २०८१ बिहिबार
महिला टी–२० विश्वकपको दोस्रो सेमिफाइनलमा वेस्ट इन्डिज र न्युजिल्याण्ड भिड्दै
कात्तिक २, २०८१ शुक्रबार
विपक्षी दलको बैठकमा प्रचण्डले भने-रविजीलाई पक्रने कुरा भएको छ, हामीले मिलेर प्रतिकार गर्नुपर्छ
कात्तिक २, २०८१ शुक्रबार
‘पुष्पा २ : द रुल’ रिलिज हुनुअघि नै उत्कृष्ट प्रि कलेक्शन
कात्तिक २, २०८१ शुक्रबार
कोलम्बियामा तस्करी रोक्न दुर्लभ भ्यागुताको कानुनी व्यापार
कात्तिक २, २०८१ शुक्रबार
सुन तोलाकै एक लाख ६४ हजार !
कात्तिक २, २०८१ शुक्रबार
आज मन्त्रिपरिषद्को बैठक, सत्यनरिुपण तथा मेलमिलाप आयोग गठनबारे निर्णय हुने
कात्तिक २, २०८१ शुक्रबार