सचेतकहरुसँग छलफल सकिएपछि संसद बैठक सुरुहुने

८ जेठ, काठमाडौं । सभामुख देवराज घिमिरे र राजनीतिक दलका सचेतक र प्रमुख सचेतकहरुबीच छलफल जारी छ । उनीहरुसँगको छलफल सकिएपछि संसद बैठक सुरु हुनेछ । आजको बैठक पनि नेपाली कांग्रेस अवरोध गर्ने जनाइसकेको छ । 

प्रतिनिधि सभाको बैठक अगाडि सभामुखले सचेतक र प्रमुख सचेतकहरुसँग छलफल गरेका हुन् । छलफल नयाँ बानेश्वरस्थित संसद भवनमा जारी छ । दलहरुबीचको छलफल लम्बिएका कारण प्रतिनिधि सभाको बैठक सुरु हुन सकेको छैन । बिहान ११ बजे बोलाइएको थियो । तर, अहिलेसम्म बैठक शुरु हुन सकेको छैन ।