कैलाश सिरोहियालाई आजै अदालतमा पेश गरिने

९ जेठ, जनकपुरधाम । नागरिकता सम्बन्धी छानबिनका लागि पक्राउ परेका कान्तिपुर मिडिया ग्रुपका अध्यक्ष कैलाश सिरोहियालाई जनकपुरधाम ल्याइएको छ।

सिरोहिया  आज बिहान जिल्ला प्रहरी कार्यालय धनुषा पुगेका हुन्। यतिबेला सिरोहिया जिल्ला प्रहरी कार्यालय धनुषाको हिरासतमा रहेका छन् ।  उनलाई आजै जिल्ला अदालतमा पेश गरिने धनुषाका प्रहरी प्रवक्ता डीएसपी रञ्जन‌‌‌ अवाले जानकारी दिए ।  

 काठमाडौंको थापाथलीस्थित कान्तिपुर मिडिया ग्रुपको कार्यालयबाटै सिरोहियालाई  पक्राउ गरेर प्रहरीले धनुषा लगेका थिए ।

उनले फरक फरक नागरिकता विवरण विभिन्न निकायमा पेश गरेको उजुरी जिल्ला प्रशासन कार्यालय धनुषामा परेको थियो ।