नेपाली प्रेस स्वतन्त्रता सुनिश्चित गर्नेबारे सरकार र जनताबीच सार्थक संवाद जरुरी छः अमेरिकी दूतावास

९ जेठ, काठमाडौं । नेपालस्थित अमेरिकी दूतावासले सुशासन, प्रेस स्वतन्त्रता र जनताका मौलिक अधिकारहरू सुनिश्चित गर्नेबारे नेपाल सरकार र नेपाली जनताले सार्थक संवाद गनुपर्ने बताएको छ । काठमाडौंस्थित दूतावासले प्रेस स्वतन्त्रता सुनिश्चित गर्नेबारे नेपाल सरकार सकारात्मक हुने आफूले आसा राखेको दूतावासले जनाएको छ ।  

नेपाल प्रहरीले कान्तिपुर मिडियाका अध्यक्ष कैलाश सिरोहियालाई पक्राउ गरेको भोलिपल्ट (बुधबार) अमेरिकी दूतावासले सामाजिक सञ्जालमार्फत उक्त कुरा बताएको हो । कठिन संघर्षपश्चात् प्राप्त लोकतन्त्रलाई आकार दिने कार्यलाई नेपालले जारी राख्दै गर्दा सुशासन, प्रेस स्वतन्त्रता र जनताका मौलिक अधिकारहरू सुनिश्चित गर्नेबारे नेपाल सरकार र नेपाली जनताले पनि सार्थक संवाद गर्नेछन् भन्ने आशा हामीले राखेका छौँ, अमेरिकी दूतावासले भनेको छ ।

दूतावासले नेपाल अझ परिपूर्ण मुलुक बन्ने दिशामा अघि बढिरहेको जनाएको छ । अझ परिपूर्ण मुलुक बन्ने दिशामा आफ्नो प्रयास जारी राख्दै गर्दा अमेरिकाका निम्ति प्रेस स्वतन्त्रता, जवाफदेही र पारदर्शिता मार्गदर्शक सिद्धान्तहरू हुन्, दूतावासले भनेको छ ।  अझ परिपूर्ण मुलुक बन्ने दिशामा आफ्नो प्रयास जारी राख्दै गर्दा अमेरिकाका निम्ति प्रेस स्वतन्त्रता, जबाफदेही र पारदर्शिता मार्गदर्शक सिद्धान्तहरू हुन् ।