सहकारी ठगी प्रकरण : छानबिन समितिको कार्यादेश बनाउन सहमति जुटाइँदै

१० जेठ, काठमाडौं । सहकारी ठगी प्रकरणको छानबिन गर्न गठन गर्ने भनिएको संसदीय समितिको कार्यादेश (टीओआर) बनाउन आज पनि छलफल हुने भएको छ । आज दिउँसो ३ बजे कानून, न्याय तथा संसदीय मामिला मन्त्रालयमा कार्यादेश बनाउने कार्यदलको बैठक बस्न लागेको हो । 

कानून मन्त्री पदम गिरीको संयोजकत्वमा गठन भएको कार्यदलमा एमालेबाट महेश बर्ताैला, कांग्रेसका नेता जीवन परियार र रास्वपा नेता शिशिर खनाल छन् । कानून मन्त्री  गिरीले कांग्रेस लचक बनेको भन्दै आज बैठकमा सहमति जुट्ने बताएका छन् । 

सत्ता पक्ष र प्रतिपक्षबीच कुरा नमिल्दा अघिल्ला बैठकहरू निष्कर्ष विहीन हुँदै आएका छन् । कार्यादेशमा रवि लामिछानेको नाम किटान गर्ने कि नगर्ने भन्ने बारेमा दलहरूबीच सहमति हुन सकेको छैन ।