ललितपुरको हात्तिवनमा उभौली पर्वको रौनक

१० जेठ, ललितपुर । किराँत समुदायको चाड उभौली बिहीबारबाट सुरु भएको छ । ललितपुरको हात्तिवनस्थित धार्मिक स्थलमा विधिवत् पूजाआजासहित एक महिने चाड मनाउन सुरु गरेका हुन् । यो चाड किराँत याक्खा, सुनुवार, लिम्बू र राई समुदायले मनाउने गर्दछन् । 

यो चाड कृषि कर्ममा आधारित भएर मनाउने गरिएको एक विशेष चाड हो । वैशाख पूर्णिमामा पर्ने उभौलीमा प्रकृति भूमि र पुर्खाको पूजा गरी धुमधामसँग खेतीपाती सुरु गरेका किराँतले मंसिर पूर्णिमा त्यसैगरी पूजा गरी उधौली मनाउने र नयाँ अन्न प्रयोग गर्ने चलन छ ।

वर्षमा दुईपटक मनाउने साकेलालाई गर्मी छल्न वैशाखमा लेकतिर जाने भएकाले उभौली र मंसिरमा जाडो छल्न लेकतिर बेसी सर्ने भएकाले 'उधौली' भन्ने चलन छ । उधौलीको दिन 'नोक्छो'अर्थात्धा मीले पूजा गरी सेउलीको थान बनाएपछि त्यसमै गोलबद्ध भई ढोल र झ्याम्टाको तालमा नाच्ने चलन छ ।