काभ्रेमा दुईपाङ्ग्रे सवारीसाधन चोरीका घटना बढ्दै
नेपालबहस संवाददाता
जेठ ११, २०८१ शुक्रबार १४:५६:४२
११ जेठ, काभ्रेपलाञ्चोक । सङ्घीय राजधानी काठमाडौं उपत्यकासँगै जोडिएको प्रमुख व्यापारिक केन्द्र बनेपामा पछिल्लो समय मोटरसाइकल तथा स्कुटर चोरीका घटना बढ्न थालका छन् ।
दुईपाङ्ग्रे सवारीसाधन चोरीका शृङ्खलाबद्ध घटना हुन थालेपछि प्रहरीको सक्रियता बढाइसँगै चोरीमा संलग्न केही व्यक्ति पक्राउसमेत परेका प्रहरीले जनाउको छ ।
इलाका प्रहरी कार्यालय बनेपाका अनुसार चालु आर्थिक वर्षको भदौदेखि हालसम्म बनेपा क्षेत्रबाट मात्रै ६९ मोटरसाइकल तथा स्कुटर हराएकामध्ये १६ वटा फेला परेका छन् ।
काभ्रेपलाञ्चोकको पनौती नगरपालिका–४ सल्लेका कुमार तामाङको सोमबार राति ११ बजे एक सय ५० सिसीको पल्सर मोटरसाइकल र सोही वडाका सुजन भुजेलको दुई सय २० सिसीको पल्सर मोटरसाइकल चोरी भयो । चोरीलगत्तै पीडितले प्रहरीलाई खबर गरेपछि सिसी क्यामेराको अध्ययनबाट पनौती–५ स्थित बाँसघारीबाट दुई मोटरसाइकल चोरी गर्ने सोही वडाका दुई युवालाई पक्राउ गरियो ।
इलाका प्रहरी कार्यालय बनेपाले २० वर्षीय रुविन भुजेल र पनिस भुजेललाई मोटरसाइकल चोरीको अभियोगमा बुधबार मुद्दा दर्ता गरी म्याद थपेर अनुसन्धान गरिरहेको छ ।
यही जेठ २ गते बिहान ३ बजे गस्तीमा खटिएको प्रहरीले बनेपाको धनेश्वरस्थित बनेपा–पनौती सडकखण्डबाट रामेछापको खाँडादेवी गाउँपालिका–१ का ३६ वर्षीय गर्जन दियालीलाई विना हेल्मेट एक सय ५० सिसीको पल्सर मोटरसाइल चोरी गरेर लैजाँदै गरेको अवस्थामा पक्राउ गरेको थियो । सोधपुछ गर्दा मोटरसाइकल छाडेर भाग्न खोजेपछि चोरीको भएको अनुमान गरिएको इप्रका बनेपाका प्रहरी प्रमुख प्रहरी उपरीक्षक लालध्वज सुवेदीले बताए ।
“दियालीलाई जति केरकार गरे पनि मोटरसाइकल चोरीको गिरोहका बारेमा केही खुलाएनन् । प्रहरीले काभ्रेपलाञ्चोक जिल्ला अदालतबाट म्याद थप गरी निजबारे थप अनुसन्धान गरिरहेको छ”, उनले भने ।
गत वैशाख ३० गते राति बनेपास्थित बसपार्कबाट विनाहेल्मेट मोटरसाइकल चलाएर आउँदै गरेका महाभारत गाउँपालिका–६ का २५ वर्षीय होइसेर थिङ तामाङ, सोही गाउँपालिका–७ का २४ वर्षीय बुद्ध मोक्तान र २२ वर्षीय अनिल स्याङ्तानलाई प्रहरीले पक्राउ ग¥यो ।
सादा पोशाकमा गस्ती गरिरहेको प्रहरी टोलीले शङ्काका आधारमा सोधपुछ गरी दुई सय २० सिसीको पल्सर मोटरसाइकलसहित उनीहरुलाई नियन्त्रणमा लिएको थियो । बनेपा–८ स्थित लञ्जबारको पार्किङस्थलबाट चोरिएको उक्त मोटरसाइकल चोरीमा अन्य दुई जना पनि संलग्न रहेको बयानका आधारमा थप दुईजनालाई पक्राउ गरिएको प्रहरी उपरीक्षक सुवेदीले बताए । उनका अनुसार यही जेठ १ गते धुलिखेलस्थित जिल्ला अदालतबाट म्याद थप गरी हाल उनीहरुमाथि अनुसन्धान भइरहेको छ ।
गत वैशाख १ गते राति चार वटा मोटरसाइकल चोरी भएका घटना प्रहरीमा उजुरी परेका छन् । सोही दिन साँझ ७ बजे बनेपा–५ जलेश्वरमा मन्दर लामाको मोटरसाइकल चोरी भयो । साँझ ७ बजे बनेपा–१३ शिव मन्दिर नजिकैबाट विष्णु तामाङको, सोही राति ८ बजे बनेपा–७ गोदामचोकबाट बोलप्रसाद सापकोटाको, बनेपा–६ बुडोलबाट कुमार मैनालीको मोटरसाइकल चोरी भएको थियो । प्रहरीले ती घटनामा संलग्न कसैलाई पनि हालसम्म पक्रन सकेको छैन । ती घटनामा चोरी गर्ने गिरोहले समय र स्थानसमेत मिलाएर चोरी गरेको प्रारम्भिक अनुसन्धानबाट देखिएको प्रहरी उपरीक्षक सुवेदीले बताए। उनले दुईपाङ्ग्रे सवारीसाधन चोरीका घटनाको अनुसन्धान निरन्तर गरिरहेको भन्दै पक्राउ परेकाबाट थप विवरण पत्ता लगाउने प्रयास भइरहेको जानकारी दिए ।
बनेपा–६ रातमाटाबाट गत चैत १५ गते हरेराम हुमागाईंको घरभित्र पार्किङ गरिएको मोटरसाइकल चोरीमा संलग्नको हालसम्म केही सुराकसमेत पाउन नसकेको सुवेदीको भनाइ छ । “चोरीको गिरोहका व्यक्तिलाई पक्राउ नगर्दासम्म मोटरसाइकल चोरी नियन्त्रणमा चुनौती थपिँदै गएको छ । हामी निरन्तर घटना न्यूनीकरणमा लागिरहेका छौँ”, उनले भने ।
प्रहरी उपरीक्षक सुवेदीका अनुसार जेठ महिनाको डेढ हप्तामा तीन वटा मोटरसाइकल चोरीका घटना भएका हुन् । गत वैशाखमा १२ वटा मोटरसाइकल हराए भने गत भदौमा १० वटा दुईपाङ्ग्रे सवारीसाधन चोरी भएका छन् । धुलिखेल नगरका इञ्जिनियरसमेत रहेका हुमागाईंले घटनायता प्रहरीलाई चोरी पत्ता लगाई मोटरसाइकल खोजिदिन आग्रह गर्दै आएका छन् ।
प्रहरीले चोरेपछि मोटरसाइकलका पार्टपुर्जा बेच्ने सम्भावित क्षेत्र ग्यारेज, कबाडी पसल तथा पार्टपुर्जा बिक्री गर्ने पसलका व्यवसायीलाई आवश्यक सोधपुछ गरेको जनाएको छ । बनेपाबाट मोटरसाइकल चोरेर ग्रामीण क्षेत्र लैजानसक्ने भएकाले चोरी नियन्त्रणका लागि जिल्लास्थित प्रहरी कार्यालयले मातहतका प्रहरी निकायमा सर्कुलर गरिएको जनाएको छ ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपबागमतीमा चालु आवको भन्दा बढी बजेट, कार्यान्वयन हुनेमा विपक्षीको आशंका
असार १, २०८१ शनिबार
बागमती प्रदेशको बजेट ६४ अर्ब ५४ करोड ४ लाख ३१ हजार
असार १, २०८१ शनिबार
मेलम्ची बाढीको तीन वर्ष : पुनः निर्माण सुस्त, स्थानीयवासीको कथाव्यथा पनि उस्तै
असार १, २०८१ शनिबार
त्रिपाठीको कुलपूजामा प्राज्ञ डा. जगमान गुरुङ प्रमुख अतिथि
विनोद त्रिपाठी
असार २, २०८१ आइतबार
नेपालले टी- २० विश्वकप अन्तर्गत भोलि बिहान दक्षिण अफ्रिकासँग खेल्दै
नेपालबहस संवाददाता
जेठ ३२, २०८१ शुक्रबार
त्रिपाठीको कुलपूजामा प्राज्ञ डा. जगमान गुरुङ प्रमुख अतिथि
असार २, २०८१ आइतबार
आज यी चार प्रदेशमा चट्याङसहित वर्षा हुने
असार २, २०८१ आइतबार
राष्ट्रपति पौडेलले गरे जलवायुसम्बन्धी अनुसन्धान केन्द्रहरूको अवलोकन
असार २, २०८१ आइतबार
राष्ट्रिय महाधिवेशनले संघीयता विरोधीलाई जवाफ दिएको छः अध्यक्ष यादव
असार २, २०८१ आइतबार
मापदण्ड पुगेका क्रसर उद्योग नवीकरण र सञ्चालनको वातावरण बनाउन सरकारसँग माग
असार २, २०८१ आइतबार
ललितपुर महानगरको पुँजीगत खर्च ६१ प्रतिशत
असार २, २०८१ आइतबार
पञ्चकोटको विश्वशान्ति कलश निर्माणका लागि ७ करोड संकलन
असार २, २०८१ आइतबार
नक्कली लाइसेन्स प्रकरणमा यातायात कार्यालयका तत्कालीन प्रमुखसहित ५ जना पक्राउ
असार २, २०८१ आइतबार