बजेट पारित गर्न बस्ने मन्त्रिपरिषदबाट संसदीय समिति गठनबारे निर्णय हुने

१५ जेठ, काठमाडौं । मन्त्रिपरिषद बैठकले सहकारी ठगीका सम्बन्धमा छानविन गर्न संसदीय समिति गठान गर्ने निर्णय गर्ने भएको छ । बजेट पारित गर्न १ बजे मन्त्रिपरिषदको बैठक बस्दैछ । यसअघि ११ बजे बोलाइएको बैठक १ बजे सारिएको हो । 

यससँगै दिउँसो १ बजे संघीय संसदमा पेस हुने भनिएको बजेट भाषण पनि दुई घण्टा पछि सरेको छ । बजेट भाषण अब ३ बजे हुने भनिएको छ । त्यसअघि संसदीय छानबिन समिति गठनका लागि बाँकी काम टुङ्ग्याइने बताइएको छ ।