अमेरिकी युनिभर्सिटीमा अध्ययनरत विद्यार्थीले शुरु गरे सचेतना पेन्टिङमार्फत 'प्यारी सचेतना अभियान'

१५ जेठ, काठमाडौं । आज  महिनावारी स्वच्छता दिवस । Menstrual Hygiene Day, May 28  को अवसरमा Yele university, USA र Wesleyan युनिभर्सिटी युएसएमा अध्ययनरत नेपाली युवाहरूले महिनावारी स्वच्छताको विषयमा सचेतना पेन्टिङ कार्यक्रम गरेका छन्। shades of Red- A menstrual tapestry नामक 'प्यारी सचेतना अभियान'को शुरूआत कमलपोखरीको स्टलबाट आज सुरू भएको हो । 

नेपालमा महिनावारीको विषयमा खासै कुरा गरिँदैन, जसले गर्दा महिनावारी स्वच्छताको बिषय ओझेलमा नपरोस् भनी प्यारी अभियान आम जनतामा लैजान अभियान संचालन गरेको अभियान संयोजक निकिता पौडेलले बताइन । 

नेपालमा महिनावारी हुँदा सबै किशोरी, महिलाले प्याडको प्रयोग गर्दैनन् र बजारमा सुपथ, स्वास्थ्य मैत्री र वातावरण मैत्री प्याड उपलब्ध छैनन् ।

महिनावारी स्वच्छता र सरसफाइको चेतना बढाउन, प्याड उपलब्धताको अवस्थामा सुधार गर्न शहर र गाउँमा सन्देश फैलाउन यो अभियान केन्द्रित हुने संयोजक पौडेलले नेपालबहसलाई बताइन् । वातावरण मैत्री प्याडको उत्पादन, बिर्सजनको व्यवस्थाको लागि सरकारको ध्यान आकर्षण गर्ने पनि यो अभियानको अर्को उद्देश्य रहेको उनको भनाइ छ । 

अभियानलाई इको साथी नेपाल, पुतलीबजार नगरपालिका स्याङ्जा, रेडक्रस स्याङ्जा, हिकाफ ३६० लगायतको समर्थन रहेको छ ।