हाजिरी जमानीमा छुटे कैलाश सिरोहिया

१६ जेठ, काठमाडौं । कान्तिपुर मिडिया ग्रुपका अध्यक्ष कैलाश सिरोहिया हाजिरी जमानीमा रिहा भएका छन् ।  नागरिकता कीर्ते प्रकरणमा पक्राउ परेका सिरोहियालाई स्वास्थ्य अवस्थाका कारण बुधबार साँझ परिवारको हाजिरी जमानीमा प्रहरीले जिम्मा लगाएको हो । 

जिल्ला सरकारी वकिलको कार्यालय, धनुषाको स्वीकृति र जिल्ला प्रहरी कार्यालय धनुषाले पठाएको पत्रका आधारमा ललितपुर प्रहरीले सिरोहियालाई छोरा सम्भव सिरोहियाको जिम्मा लगाएर छाडेको हो । उनलाई मंगलबार हेलिकोप्टरबाट ललितपुरस्थित मेडिसिटी अस्पतालमा ल्याइएको थियो ।